_{V Орталық Азия урологтарының конгресі (CACU–26) Қазақстан, Австрия, Германия, Грекия, Біріккен Араб Әмірліктері, Мысыр, Қырғыз Республикасы, Ресей Федерациясы және Түркия елдерінің урология саласындағы жетекші мамандарының басын қосты.}

_{CACU26 конгресінің негізгі міндеттері:}

_{-ғылыми-зерттеу, емдеу-диагностикалық және білім беру қызметін үйлестіру;}

_{-урологиялық көмекті жетілдіру мақсатында Орталық Азия, Ресей және Еуропа елдерінің мамандары арасында кәсіби тәжірибе алмасу;}

_{-урология саласындағы заманауи және перспективалы ғылыми, клиникалық және эксперименттік деректерді ашық талқылау.}

_{Конгресс аясында урология, андрология, балалар урологиясы, реконструктивтік, аз инвазивті урология және онкоурологияның өзекті мәселелеріне арналған мазмұнды екі күндік ғылыми бағдарлама ұсынылды.}

_{CACU26 ғылыми алаңында жетекші мамандар онкоурология және нейроурология салаларындағы заманауи диагностика мен емдеу әдістеріне, урологиялық ауруларды емдеудің инновациялық жоғары технологиялық тәсілдеріне, несеп-жыныс жүйесінің аномалияларын консервативтік және хирургиялық емдеуге, жыныс мүшесіне жасалатын реконструктивтік араласуларға, сондай-ақ несеп-тас ауруын емдеудің аз инвазивті технологияларына арналған 60-тан астам баяндама ұсынды.}

_{Ғылыми отырыстар барысында әртүрлі елдердің мамандары арасында кәсіби тәжірибе, ғылыми зерттеулердің нәтижелері және практикалық тәсілдер бойынша пікір алмасу өтті.}

_{CACU26 конгресінің маңызды нәтижелерінің бірі халықаралық кәсіби өзара іс-қимылды нығайту және денсаулық сақтау мен урология саласындағы мамандар арасында тәжірибе алмасуға арналған тұрақты алаң қалыптастыру болды.}

_{V Орталық Азия урологтарының конгресі (CACU26) аясында Еуропалық урология мектебінің (ESU) білім беру курсы, сондай-ақ «Онкоурология» секциясының жұмысы өтті. Аталған секцияда несеп-тас ауруына қатысты мәселелерді қоса алғанда, урологиялық ауруларды диагностикалау мен емдеудің заманауи тәсілдері ұсынылды.}

_{Халықаралық ынтымақтастықты одан әрі дамыту, урологиялық көмекті, ғылыми және білім беру қызметін жетілдіру мақсатында конгресс қатысушылары бірауыздан ынтымақтастықтың мынадай бағыттарын қабылдады:}

_{1. Бірлескен халықаралық конгрестерді, форумдарды, конференцияларды, симпозиумдарды және басқа да ғылыми-білім беру іс-шараларын ұйымдастыру және өткізу.}

_{2. Кәсіби тәжірибе, ғылыми ақпарат және зерттеу нәтижелерімен алмасу, сондай-ақ урология саласындағы бірлескен ғылыми-зерттеу және білім беру жобаларын іске асыру.}

_{3. Заманауи біліммен, әдістемелермен және практикалық ұсынымдармен алмасуды қоса алғанда, ғылыми-ақпараттық және консультациялық қызмет саласындағы ынтымақтастықты дамыту.}

_{4. Еуропалық урология мектебінің (ESU) білім беру іс-шараларын тұрақты негізде ұйымдастыру және өткізу.}

_{5. Халықаралық кәсіби байланыстарды дамытуға және конгреске қатысушы елдердің урологиялық қауымдастықтары мен медициналық мекемелері арасындағы ынтымақтастықты кеңейтуге жәрдемдесу.}

_{V Орталық Азия урологтарының конгресіне (CACU26) қатысушылар ғылыми және білім беру саласындағы ынтымақтастықты дамытуға, заманауи технологияларды енгізуге және урологиялық көмектің сапасын арттыруға бағытталған бірлескен жұмысты жалғастыруға дайын екендіктерін білдіреді.}

_{V Орталық Азия урологтарының конгресіне (CACU26) қатысушылар тарапынан қабылданды.}